凹凸洞搞到好灰，Co2 laser定微針射頻好？
-
本身青春期爛面留低嘅凹凸洞，跟咗我好多年。平時化妝都算，但一近睇或者某啲燈光下，啲陰影真係勁明顯，搞到個人好冇自信…… 依家賺到少少錢，的起心肝想搞搞佢~
爬咗好多文，睇嚟睇去都係CO2 Laser/微針射頻CO2 Laser效果好但好似好痛，又會紅幾星期，返工見人好尷尬。但聽講做一次效果已經好顯著？
至於微針射頻，就話恢復期短啲，冇咁痛，但要做幾次先見到效果，而且價錢仲可能貴過CO2
-
你首先要分清楚自己咩洞
Co2 laser 車廂型滾動型，微針射頻就係尖錐型 -
無論揀邊樣之後都一定要降紅保濕，香港又濕又焗，夏天做最好冷氣長開乾爽啲。保濕、防曬缺一不可，唔好慳呢啲錢~
-
Co2 laser 我打過一次，痛到喊出嚟，但真係見到啲深坑平咗啲。如果忍得痛又急於見到效果，可試!!
-
@說謊蛋糕 你講得岩~我諗我真係要搞清楚自己咩類型先
我見冰錐型好似最難搞
-
@頭搖又尾擺 我都聽人講CO2 laser嗰下真係好似橡筋彈面咁痛
-
我自己係滾動+少少冰錐
做咗微針射頻同CO2 laser嘅混合治療。sofar效果係好過單做一樣，不過總共要半年時間~ -
@我是個茶壺肥又矮 呢個方案好聰明
想問你當時係同一個間美容院做晒兩個treatment？ -
講真，凹凸洞冇得100% 好返，你預最多改善5-8成。唔好信美容院廣告相變到完全平滑
如果係好嚴重不如考慮打透明質酸填充做凹洞先 -
@安妮亞喜歡這個 我都知凹凸洞冇可能100% flat，只係想望落唔好咁明顯，化到妝遮到七成就夠
-
我係旺角某間樓上美容院做，而家諗返都中伏，機頭可能翻用或者能量唔夠。後來轉咗去尖沙咀搵醫生做CO2 laser，醫生話我之前微針射頻根本浪費錢，因為能量低到冇用。
真係要小心黑店 -
@皮克敏 我係同一到做晒咖!
-
@idk食鬆糕 真係最怕遇著呢啲黑店
錢冇咗事少 萬一搞到爛面就...
