@說謊蛋糕 !!!我真係成日挨夜打機同食炸雞著... 壓力又大。睇嚟都要的起心肝早啲瞓，戒口先得

@Matchalattle PM咗了!!

@心水清水健 第時真係冇辦法的確可能會考慮剃光 不過而家得廿幾歲，想俾多次機會自己，試吓救唔救得返先~

@lulu豬 仲諗住自己出去買生髮水就搞得掂...

@我愛羽維尼 Toppik我係YouTube見過人介紹 即刻上網search吓先。暫時未有解決方案之前，真係要搵啲嘢旁住個身見人，多謝師兄建議

@寡人 我完全感受到你嘅痛苦！！
我每次洗完頭，見到啲頭髮纏晒喺個去水位，個心真係離一離。
要一齊加油拯救頭髮，希望大家都救得返！

小弟今年先啱啱25歲，仲後生，但呢排真係俾個頭頂困擾到爆

是咁的，前排同朋友影相，發現自己個額角好似向後移咗好多，仲要有少少見到頭皮。返屋企即刻摷返以前啲相出嚟睇，發現呢兩三年真係差好遠！以前啲頭髮仲好濃密，依家啲頭髮愈嚟愈幼，愈嚟愈稀

最灰嘅係，我阿爸同阿哥都係好早就開始甩頭髮，阿爸三十歲左右已經係「地中海」造型，阿哥都係二十到尾就M字額好明顯。我諗我都走唔甩，係遺傳嗰隻。。。

其實都試過吓啲防脫洗頭水，又用咗啲咩生薑洗頭水，但好似都冇咩用，頭髮都係咁甩。見到垃圾桶同枕頭上面啲頭髮，真係好唔開心，成日覺得自己老咗十年咁。

唔知有冇同路人可以分享吓經驗？或者有冇咩實際啲嘅解決方法？我聽人講過咩食藥、搽藥水，甚至植髮，但完全冇概念，唔知邊樣先適合我呢啲後生仔。有冇邊位brother or sister可以指點迷津？感激不盡