啱啱睇到篇新聞，真係嚇到我出晒汗…

韓國最近有一款好火爆嘅醫美針叫做 Re2O（俗稱「屍皮針」），號稱可以「逆齡回春」。重點係佢嘅成分… 竟然係直接喺遺體/死者捐贈嘅皮膚提取膠原蛋白再打落自己塊面度？！

雖然新聞話暫時未有咩嚴重副作用，仲話喺韓國、日本、美國都好多人打，但我一想到要將其他人（仲要係逝者…）嘅皮膚組織打入自己塊面，真係心理關口完全過唔到，諗起都毛骨悚然！

最恐佈嘅係，新聞仲提到有啲醫美診所唔會直講，只會用「頂級膠原蛋白」呢啲字眼包裝… 仲要未過美國 FDA 批准，安全性同倫理問題根本都未搞妥！真係好驚自己去打針嗰陣遇上呢啲包裝過嘅「屍皮針」…

想問吓咁多位絲打/巴打，如果想收細毛孔、去細紋、搞吓膠原蛋白再生，有冇其他安全啲、純植物/人工合成或者純機器嘅醫美針或醫美機可以代替？

（例如普通嘅少女針、聚左乳酸、定係直接打 Thermage / Ultherapy 嗰類機？有冇邊隻真心推薦又唔洗咁心驚膽跳？）

有冇人知眼袋槍使唔使打麻醉㗎？但又怕效果唔明顯，好掙扎呀

cls我都有睇到呢個post
下面勁多留言都投訴做得唔好/hardsell

我諗我會揀非流水線，因為我好驚啲諮詢師係咁逼我買多幾個項目，流水線節奏咁快，我怕我未諗清楚就比人牽住走。有醫生慢慢同我傾，我感覺安心啲，比錢買個安全感。

要靚就要付出代價㗎啦...不過唔係用健康找數囉！情願慢慢跑步做Gym

價錢貴唔貴？同普通HIFU比爭幾遠？

我反而覺得唔好搞咁多野，呢排轉季乜都停用，俾皮膚抖吓！

聽人講話海洋來源膠原蛋白易敏感，我轉食植物性嘅，感覺溫和啲，不過效果慢好多喔

我食緊Biotin同維他命D3，另外每日一匙奇亞籽加入乳酪，頭髮明顯強韌咗。可以試下~

我以前打過一隻係要按摩 當初冇認真按，有一個(好細咖姐)摸起嚟有微顆粒感，過了半年才慢慢軟化