@愛用紙巾的人 Bora Beauty!

@寡人 唔使客氣！我都係用錢同時間換返嚟嘅教訓 VIO真係唔好慳，美容院一次頂晒家用十次效果!!!

@idk食鬆糕 放心，唔係你部機廢，係彩光打VIO本身就係hard mode

@曲街 多謝！我自己買機前都睇咗好多post，個個都話好有用，但好少人講邊啲位唔得。所以先想出嚟講真話

@青山道廢青 我自己覺得家用機打生得好慢已經收貨。要完全清零可能真係要美容院級數先得

@我是個茶壺肥又矮 如果淨係手腳，我覺得家用機絕對夠做！我而家對腳滑到唔使點理，慳返好多時間同心機，值得投資

@頭搖又尾擺 我用Braun ，$2000左右。打手腳完全唔痛，但VIO都係痛到想縮 不應該唔關牌子事

@Matchalattle 係呀我打足兩個月都仲係冇乜進展，最後都係放棄咗

前排終於的起心肝買咗部家用脫毛機，諗住以後唔使次次去美容院咁麻煩。用咗都有大半年，分享少少真實用後感俾大家參考下

手腳同腋下真係最明顯，我做咗大概五六次左右，冇咗7成毛，淨返嗰3成都生得好慢好慢，出嚟啲毛幼細到幾乎睇唔到，摸落都唔拮手。呢個位我真心覺得家用機係work嘅，慳返唔少時間同錢!!!

但係VIO位就完全係另一回事~
VIO位啲毛只係幼身咗同生得慢啲，但絕對唔係「脫到」
最慘係一停做部機，即刻就生返哂出嚟，好似冇做過咁。試過忍手停咗一個月，啲毛量同粗硬度幾乎打回原形。深刻體會到，家用彩光真係冇辦法做到激光嗰種「連根拔起」嘅效果

所以我而家嘅做法係：

手腳、under arm呢類大範圍又相對易搞嘅部位，自己喺屋企慢慢打，性價比高又方便；但VIO呢啲精細位，我會寧願俾錢去美容院做激光，專業機嘅能量同冷凍系統都唔同級數，效果先至真係持久。

所以我覺得家用機唔係萬能，揀啱部位先係重點。如果想成身所有地方都無毛，最理想係「家用＋美容院」雙線行