ONDA Pro vs ONDA Plus 點揀好？
-
ONDA係大部份香港人搵減脂療程嘅首選。而佢哋分咗Pro同Plus兩個版本，搞到好多人選擇困難。等我同你哋拆解下兩者分別啦
ONDA Plus
如果你係下半身易水腫、大脾有橙皮紋，或者想重點減腰腹嗰種，Plus多數都夠用。
佢唔止有基本嘅Deep同Shallow探頭，仲多個淋巴疏通專用探頭，主要幫手去水腫。
好啱腰腹、大脾、手臂呢類大範圍位置。ONDA Pro
如果你想減身體之外，仲想搞埋雙下巴、下顎線，甚至圓圓哋嘅面珠，咁就一定要揀Pro版。
除咗本身嘅身體探頭，佢多咗個Pocket探頭，專為面型設計，夠細夠安全，可以避開皮膚表面，集中打雙下巴、下顎線呢啲細位，做到精準溶脂同拉提。共通點
有專利冷卻系統，成個過程只係暖暖哋，唔使恢復期，做完直接返工都得。
原理一樣：用微波能量直達皮下15mm脂肪層，破壞脂肪細胞數量，之後你只要飲多啲水，身體就會自然幫你代謝走佢哋。
想搞雙下巴、下顎線、塊面想瘦啲 sharp啲 → 揀 ONDA Pro
主要想全身排水腫、改善橙皮紋、大脾腰腹減脂 → ONDA Plus 已經好夠用唔好貪平揀錯，如果根本唔使做面亦唔好俾人氹你買Pro!!!
-
想問下Plus同Pro價錢爭幾遠？如果爭好遠，剩係做Plus減雙下巴得唔得？
-
有冇人真係做完可以分享下？好驚做完冇分別，得個暖字
-
@努力成為好媽媽 價錢方面每間美容院都唔同，大約爭幾千左右。我做果間雙下巴就6xx一次，想知可以dm我~
如果淨係做雙下巴Plus係可以，但要做面其他位就要Pro -
@一加一等於.... 我試過做，唔好期望一次就disappear，通常2-3次先見到明顯分別。佢唔係魔術，係叫你身體自己代謝
-
我大脾橙皮紋想搞搞佢，Plus真係搞得掂？定係要打幾次先見到效果？
-
即係做完狂飲水就會瘦？咁我唔做狂飲水有冇用先
-
想問恢復期係咪真係零？會唔會紅或者腫？
要見人好驚
-
@123木頭人 我做過一次橙皮紋係淺色咗，但要完全平滑，我估至少3-4次，仲要配合按摩同搽cream。唔好諗住一勞永逸
-
@小菊花
單飲水唔會溶脂。部機嘅作用係破壞脂肪細胞，之後飲水係幫身體加快代謝走啲死細胞。所以你唔做機，飲幾多水都唔會少咗脂肪細胞㗎 -
@愛用紙巾的人 我做完即時少少紅（好似做面facial嗰種），半個鐘就散晒。冇腫、冇瘀、冇傷口。第二日返工完全冇人知我做過機!!!
-
有冇得剩係租機自己返屋企做？出去做一次都唔平
-
@信軒公用何濟公 呢部係醫學儀器嚟，唔係脫毛機果種家用機，冇得租㗎。自己亂打有機會燙傷或者冇效果。我都明出面貴，但呢啲錢真係唔慳得，安全第一
-
我係全身都肥嗰種，唔係淨係水腫，呢部機係咪唔適合我...
-
多謝分享！終於有人講得咁清楚Pro同Plus分別，之前上網睇到一舊雲
-
有冇男士做過？我都想搞掂個雙下巴同下顎線，但怕機頭唔啱面型
-
@火炎焱 Pro個Pocket探頭男士都用到，因為佢夠細，可以就返唔同面型!!!
-
@皮克敏大人 如果你係整體肥胖，真係脂肪多過水腫果隻，ONDA 幫到你減脂肪細胞數量，但唔好當佢係減重工具。我會建議你先減咗一啲體重例如做運動+飲食控制，再用ONDA處理局部頑固位例如大脾、腰，咁樣效果最靚。
