奉勸大家唔好再亂節食！
-
老實講，我見過太多人一諗到減肥就節食
食少啲、再食少啲、餓到頭暈都要忍。結果一個月之後上磅，輕咗兩三磅，但一正常食飯就反彈仲要肥過以前好想同大家講你以為節食係減肥？其實係催肥
當你長期食太少（例如每日低過1200卡），身體係唔會乖乖地燒脂肪，反而會降低新陳代謝，燒少啲能量、儲多啲脂肪
而且節食通常唔夠蛋白質，身體會拆你肌肉嚟用。肌肉冇咗，新陳代謝又再慢咗，個身型仲變成鬆泡泡肥
最大問題係會反彈，節食係冇可能堅持一世嘅。當你忍唔住回復正常飲食，身體因為新陳代謝已經低到一個點，就算你食返以前嘅份量，都超額..亂節食仲會搞到個人心情差晒
其實想減肥有好多聰明嘅方法
例如食足夠蛋白質，好似雞蛋、雞胸、豆腐、魚
眼見好多人減肥係為咗健康同好睇，但節食搞到佢地又病又腫又唔開心
-
中到應一應……我節食咗三個月，瘦完即刻反彈仲肥過以前
-
我女朋友成日話食好少，但其實杯珍珠奶茶加奶蓋已經等如一碗飯咁濟
-
我試過每日食800卡，結果瘦咗10磅之後停咗幾個月，再食正常嘢即刻肥返15磅，喊出嚟!!!
-
其實記錄飲食真係好重要
我之前以為自己食好少，寫低先知原來每日食咗2000卡…… -
我反而想問，如果已經節食到新陳代謝壞咗，點樣救返？有冇過來人分享下？
-
聽講食得太快都會肥
咁如果返工忙到癲，只能快食，點算？
有冇快食但唔肥嘅方法 -
講真，節食最快見效，但反彈最快都係佢。
我而家寧願慢慢減，起碼唔使餓到懷疑人生~ -
@頭搖又尾擺 反彈真係慘痛經歷我都試過 最慘係你以為自己唔夠努力
-
@火炎焱 好多人都中招，仲有以為無糖就冇熱量，但奶蓋、珍珠都係熱量炸彈。所以記錄飲食真係好緊要!!!
-
@愛靚唔愛命 好同意誠實面對自己先係減肥第一步。我初頭記錄都嚇親，原來啲零食加加埋埋等如一碗飯
-
@愛用紙巾的人
好問題！我唔係專家 但睇過嘅資料通常都係慢慢加返卡路里﹑做重訓同埋瞓覺減壓
-
@一哭二鬧三上.... 我自己會準備定healthy snacks!同埋盡量食咗蛋白質先
