用大半年家用脫毛機 真實分享
-
前排終於的起心肝買咗部家用脫毛機，諗住以後唔使次次去美容院咁麻煩。用咗都有大半年，分享少少真實用後感俾大家參考下
手腳同腋下真係最明顯，我做咗大概五六次左右，冇咗7成毛，淨返嗰3成都生得好慢好慢，出嚟啲毛幼細到幾乎睇唔到，摸落都唔拮手。呢個位我真心覺得家用機係work嘅，慳返唔少時間同錢!!!
但係VIO位就完全係另一回事~
VIO位啲毛只係幼身咗同生得慢啲，但絕對唔係「脫到」
最慘係一停做部機，即刻就生返哂出嚟，好似冇做過咁。試過忍手停咗一個月，啲毛量同粗硬度幾乎打回原形。深刻體會到，家用彩光真係冇辦法做到激光嗰種「連根拔起」嘅效果
所以我而家嘅做法係：
手腳、under arm呢類大範圍又相對易搞嘅部位，自己喺屋企慢慢打，性價比高又方便；但VIO呢啲精細位，我會寧願俾錢去美容院做激光，專業機嘅能量同冷凍系統都唔同級數，效果先至真係持久。
所以我覺得家用機唔係萬能，揀啱部位先係重點。如果想成身所有地方都無毛，最理想係「家用＋美容院」雙線行
-
Same here!! 我手腳都係自己做，腋下都OK，但VIO真係唔好挑戰家用機，晒氣晒時間
-
想問你用邊部機？我買咗部千幾蚊嘅試過打VIO，痛到跳起又冇用，而家擺咗喺度封塵
-
想問如果只係想手腳脫毛，買家用機係咪已經夠？唔想為咗對腳長期book美容院……
-
想問你手腳係打到完全冇毛定係仲有少少？我做咗八次仲係有幾條好幼嘅，唔知係咪正常
-
@Matchalattle 係呀我打足兩個月都仲係冇乜進展，最後都係放棄咗
-
@頭搖又尾擺 我用Braun ，$2000左右。打手腳完全唔痛，但VIO都係痛到想縮
不應該唔關牌子事 -
@我是個茶壺肥又矮 如果淨係手腳，我覺得家用機絕對夠做！我而家對腳滑到唔使點理，慳返好多時間同心機，值得投資
-
其實有冇人覺得家用機打under arm都幾難就位？我自己打極都好似有啲位漏咗~ ~
-
美容院做VIO真係貴，但睇完你篇文我諗我都要乖乖科水，好過自己嘥時間又冇效果
-
@鮑師傅 under arm個弧度係難就啲!
-
@愛靚唔愛命 我都係咁話!!!細個冇咩錢覺得慳得就慳，而家覺得時間同效果緊要過果幾千蚊，同意樓主VIO真係唔好慳!!!
-
@青山道廢青 我自己覺得家用機打生得好慢已經收貨。要完全清零可能真係要美容院級數先得
-
呢啲post先有用，成日見到啲打手一味話家用機萬能，老實講邊啲位得邊啲位唔得，俾新手參考下幾好
-
@曲街 多謝！我自己買機前都睇咗好多post，個個都話好有用，但好少人講邊啲位唔得。所以先想出嚟講真話
-
VIO嗰part真係中到應一應……我仲以為係我部機廢，原來大家都係咁，咁我安心咗少少
-
多謝師姐！正煩緊買唔買家用機比女朋友因為佢話想脫VIO，你咁講我明晒，都係比錢佢去美容院算
-
@idk食鬆糕 放心，唔係你部機廢，係彩光打VIO本身就係hard mode
-
@寡人 唔使客氣！我都係用錢同時間換返嚟嘅教訓
VIO真係唔好慳，美容院一次頂晒家用十次效果!!! -
係囉！我當初仲以為自己做多幾次VIO就會得，點知做咗半年都仲係咁，真係唔好嘥時間
