做完皮膚分析機，我先知自己黑頭粉刺多到嚇死人
-
最近心血來潮去做咗次皮膚分析機，唔睇由自可，一睇嚇一跳
我嘅黑頭、粉刺多到癲咗
上網搵資料先發現，原來要搞掂呢啲嘢，「疏通毛孔」同「平衡油脂」係兩大關鍵！一味清潔表面係冇用㗎，要由底層入手。
我自己試過覺得有用嘅方法：
首先係用酸類嚟「溶」走毛孔入面嘅嘢。水楊酸可以深入毛孔底層，清走油脂同污垢。如果想溫和啲，可以揀杏仁酸或者果酸，幫手代謝表面角質，改善閉口粉刺。如果情況再嚴重少少，可以考慮複合酸，即係水楊酸加杏仁酸加乙醇酸嘅組合，對付堵塞更加全面。
跟住就係深層清潔同日常護理。我會每星期敷一兩次泥膜，幫手吸走多餘油脂。仲有就係卸妝一定要徹底，就算只係搽咗防曬，都唔可以偷懶，唔好俾殘留嘅污垢塞住毛孔。
最後係急救同預防。如果見到有幾粒特出嘅粉刺，我會局部搽抗粉刺嘅啫喱或者精華，加速代謝。同時我會注意增加皮膚水分，但唔會用太滋潤嘅保養品，因為太潤反而會塞毛孔。如果真係好嚴重，建議唔好自己亂擠，搵專業人士做針清或者醫美護理會穩陣好多。
-
我試過自己亂擠暗粒，結果發炎留疤，後悔到爆
-
真係講中晒我心聲！我以前成日以為洗多幾次面就夠，後尾先知原來要「疏通」唔係「磨走」
而家固定用緊白泥＋BHA精華，改善咗好多！ -
如果平時冇化妝只係搽防曬，係咪都要卸妝？我成日覺得卸妝水抹兩下就夠……係咪唔夠徹底？
-
做完泥膜之後，用粉刺針輕輕刮走浮出嚟嘅油脂粒，效果好明顯
-
樓主你講嘅方法我大部分我自己都有做，但想問下，如果暗粒真係好嚴重，去做醫美嘅話有冇邊款療程推介？係咪要做激光或者煥膚先搞得掂？
-
有冇推薦邊款卸妝產品？我而家用緊卸妝油，但成日驚乳化唔乾淨仲衰過唔卸……
-
@心水清水健 我明呀！以前我都忍唔住手擠過，結果紅腫晒仲要留印
而家學乖咗，用酸類慢慢代謝，雖然要等耐啲，但起碼唔會整傷皮膚。真係要忍手，唔好擠
-
@答案就係李斯 係呀！以前我都以為磨砂係萬能，後尾先知原來磨走嘅只係表面，毛孔入面嘅垃圾仲喺度
你而家用緊嘅組合已經好正確，繼續keep住，皮膚會愈嚟愈滑！ -
@說謊蛋糕 一定要卸妝！就算只係防曬，好多物理防曬或者防水配方都會黐住毛孔，普通洗面乳未必清得乾淨。我習慣用卸妝水抹一次，再用溫和洗面乳洗多次，咁就安心晒～ 你話抹兩下，可能真係唔夠徹底㗎
-
@多肥西公園 我會建議你去做Aqua peel!!人稱毛孔吸塵機
-
@點解咁撚肥 我都覺得卸妝油有時乳化唔夠乾淨會生粒粒
我自己用緊creave嘅洗面連卸妝 -
試過用k字頭嘅水楊酸啫喱乳霜，我用過覺得好笠……係咪我搽得太多定係唔適合我
-
想問泥膜同酸類可唔可以同一晚用？定係要分開日子？我怕一次過做咁多嘢會搞到塊面太刺激
-
樓主你做完皮膚分析機之後，店員有冇叫你買佢哋嘅產品？我試過一次，結果俾人hard sell咗成三千蚊……而家諗返都覺得中伏
-
@背背龍 果支我自己用覺得ok，但每個人膚質唔同，可能係因為你皮膚偏油或者你搽得太多。可以試下減少用量或者轉用其他清爽啲嘅水楊酸產品!!
-
@轉角遇到愛馬仕 唔建議同一晚用！因為泥膜會吸走表面油脂，再用酸類可能會太刺激，容易搞到塊面紅或者甩皮。最好分開日子
-
@媽媽的心事 我係美容院做~佢部皮膚分析機做完之後會自動推薦岩你皮膚問題嘅療程
我本身係果到買咗package未用晒所以我冇再買新，但做完之後都會考慮下跟部機嘅ai推薦做療程! -
我反而覺得針清先係最快嘅方法……不過好嘅美容師難求，試過幾間都係亂咁擠，搞到毛孔愈來愈大，仲要留紅印
