有冇人都係中過美容院伏？分享睇清黑店現形方法
-
總之記住世上冇咁大隻蛤乸隨街跳，見到啲低到唔合理嘅價錢，就知九成九係陷阱
-
最憎佢哋啲銷售手法好似做傳銷咁，鎖你喺房仔兩個鐘，唔簽package唔俾走
試過一次
我：我約咗人，下次先傾，
佢：你而家唔簽，下次就冇呢個優惠㗎啦！
聽到呢啲真係最討厭 -
我試過去到先話「今日部機壞咗，不如試下我哋新返嘅XXX療程啦，都係差唔多價錢」，我又係衰做之前冇問清楚係幾錢
點知做完先知貴三倍！呢啲就係典型嘅bait and switch
-
其實有啲良心小店係好好，但呢啲靠呃嘅真係倒米
-
最有效都係上網開名
Post上嚟FB群組，等兄弟姊妹唔使再中伏！ -
@青山道廢青 兩個鐘
我依加學精咗，一入去就較定鬧鐘，之後就話夠鐘一定要走，等佢冇得留難我 -
@點解咁撚肥 哇呢招心理戰真係好賤，等你覺得一場嚟到唔想白行，焗住中計。壞咗一早就應該要wts通知你啦
-
雖然樓主講嘅黑店我都遇過，但都想share一個好嘅經歷
其實好美容師係會記得你嘅喜好！
我鍾意靜靜地做 facial 唔想傾偈，個美容師每次只會簡單問候兩句，然後就俾我休息，仲會較暗少少燈，呢啲細節位真係加分加到爆 -
@chloe_ky 我都同意!!我個美容師，佢會主動 WhatsApp 提我(下星期天氣乾，記住敷多塊 mask) 呢啲類似說話，有時仲 send 片教我點樣自己在家護理，完全唔似 sales，似朋友多啲！
-
試過約咗7點，上到去等咗30分鐘先有得入房，入房又等15分鐘，個美容師一句解釋都冇，仲要黑口黑面。到做果陣求其捽兩下就話做完，成$800蚊就咁冇咗
以後blacklist -
遇過一個美容師勁細心，見我塊面敏感，佢叫我今日唔好做高能量機住，轉LDM舒緩下先，費事刺激皮膚
-
講到良心小店，有間我 keep 住去咗三年，每次續 plan 佢都會問我：如果未用得著就唔好急住買住
呢啲先叫做 sales 嘅最高境界，唔逼你，你反而會自己返轉頭！
-
最憎啲sell推銷唔成個美容師即刻變面嘅鋪頭
本來笑笑口，轉頭就發晦氣話：唔join plan嘅話，下次好難book位㗎
心諗︰????? -
我表妹試過去一間新開嘅，做做下機，個美容師話部機load緊，走咗出去成10分鐘，返嚟時話頭先有個客join咗大plan，問我表妹考唔考慮都join，有折喎。
吓？做做下走去做sales，咁都得？
