美容院頂讓 有如接火棒

[Amy]

最近好多美容院放盤，好多儀器半價折讓。
好多人以為美容院好好搵，條數好大，一日可以幾萬蚊生意額，一個月什至可能過百萬。

但要諗下儀器貴，又有損耗、又有發數、又有壽命、又維修費。做唔住賣比人又要打折。

然後請美容師，2-3萬蚊，請個sales，3-5萬蚊。支出極大。

最後係好多人睇唔到既成本。D客點黎？ 唔會有walk-in, 一係搵街霸拉，請兩個已經4萬，一係比十幾萬facebook廣告費。

而家D客越來越CHEAP，好多R完免費、試做價就bye bye，你連人工料錢都蝕埋。

十間美容院，9間過唔到第一年。加上好多人一聽美容院就覺得hard sell, 生意難做。唔好講話賺錢，守到唔輸已經好叻。

千祈唔好做美容，我幾個朋友，冇一個有好收場，全部輸清光。到你唔想輸，就迫住變黑店hard sell, 開天價劏客，就好似weirdo呢d。