見到新聞話內地好多學生走去整容... 其實大家點睇？有冇人真係試過上內地整？
-
碌手機睇到一篇新聞
https://news.tvb.com/tc/1183927-調查顯示內地整容低齡化趨勢明顯專家提醒未成年人過早整容或產生畸形
話內地依家好多青少年一到暑假，就集體跑去醫美機構整容。最誇張係有調查顯示，內地整容低齡化嘅趨勢越來越明顯，連十幾歲嘅中學生都去整！新聞入面有專家出嚟提醒，話未成年人發育都未完全完成，如果過早去整容，隨時可能會整到產生畸形或者有嚴重後遺症，真係聽落都覺得幾驚。
不過講返轉頭，香港依家成日都講港人北上消費，我自己身邊都聽過有人講過內地整容/醫美平好多、選擇又多。
所以純粹好奇想上嚟問吓有冇巴絲打真係親身去過內地整容或者做過醫美？究竟內地嗰啲大機構係咪真係靠得住，定係純粹係一分錢一分貨賭運氣
-
講真，平時打下Botox或者做下光子嫩膚都仲算，如果未成年就要動刀削骨、隆鼻，真係太過誇張。發育都未定型，陣間過幾年骨骼變形咪仲慘？
-
最驚係內地好多黑心診所無牌經營
香港人上到去如果出咗事，隨時求助無門，追討都極之困難，真係要三思！ -
我兩年前上過深圳做雙眼皮同打針，大機構嚟嘅。個醫生技術唔錯，收費比香港平一半有多。不過去之前真係要做足功課，千祈唔好貪平去私人工作室！
-
身邊有朋友上過廣州某間熱門診所整鼻，剛整完好靚，點知一年後假體移位仲要發炎！最後要喺香港搵私家醫生出幾倍錢拎返出嚟。講到底，動刀嘅嘢一分錢一分貨~ ~
-
低齡化其實好大原因係受抖音、小紅書嗰啲網紅濾鏡影響~依家啲青少年嚴重審美焦慮
-
15、16歲連觀念都未成熟，等過多幾年流行另一種面型，咪又話要再整？
-
其實香港都有唔少人上廣州、深圳打水光針或者做皮秒，身邊好多女同事都有做。但如果講到動刀嘅大型手術，我自己就真係不敢恭維，風險太高。
-
暑假整完，開學返到學校個個變咗複製人，連老師都認唔出邊個打邊個
