我的弱智同事
-
公司新黎左個PR同事一個月左右，老細請佢都算世界奇蹟
不過呢個世界百貨應百客，老細嘅決定都唔輪到我地話事
新黎第一日，可以聲大大同老細講電腦無XXX我做唔到野架喎!
老細又受你吹得佢漲咩
幾時都話一日唔死都有新聞
本身都對佢無咩野，始終佢話嘅係老細關我蛋治
最開心嘅事係佢返工第二日，夠膽死開會個陣將designer設計嘅圖print出黎再圈住佢話佢啲圖有問題，真係笑L死
莫講話佢唔係老細，更加唔係佢呀頭，重點佢只係一個PR
呢位PR聲稱自己中5就出黎做野，經驗多多講野又多多，麻煩都多多
叫佢打幾篇廣告仔出post，可以一篇野打成個禮拜，呢個都算，返工邊個唔想hea
重點係我坐佢斜後面，有次望一望佢發現，佢連ctrl c, ctrl v都唔識，係咁用mouse右click，笑到我痴線
咁撚弱智嘅人竟然可以有人請，仲要開佢個人工同佢個人唔撚成正比囉
最搞笑係呢條女，同mkt同事係咁講人，當然我都有份比佢講
一個咁唔識做人唔識講野唔識用電腦唔識social唔識著衫唔識時事唔識而家興咩唔識搵kol 嘅垃圾
究竟有咩資格學人做PR???有人請佢影下印都偷笑 -
@媽哩媽哩空 嘩！咁既人都有 人哋本身返工好地地 佢咁樣搞到人哋 俾佢拖累 大家都係出糧打工 憑咩要因為你而多左workload先？廢話多既人通常都係做唔到野 定律
-
@肉色絲襪 叫佢出個post 字又打錯 主題係乜又搞唔清楚 又書面語又口語 真係弱柒智
-
@媽哩媽哩空 其實唔識野係唔緊要 周圍講人是非就真係8婆行為 聽你咁講佢似係不斷踩低人個種
