20頭就開始甩頭髮，有家族遺傳，有無咩解決方法？
-
小弟今年先啱啱25歲，仲後生，但呢排真係俾個頭頂困擾到爆
是咁的，前排同朋友影相，發現自己個額角好似向後移咗好多，仲要有少少見到頭皮。返屋企即刻摷返以前啲相出嚟睇，發現呢兩三年真係差好遠！以前啲頭髮仲好濃密，依家啲頭髮愈嚟愈幼，愈嚟愈稀
最灰嘅係，我阿爸同阿哥都係好早就開始甩頭髮，阿爸三十歲左右已經係「地中海」造型，阿哥都係二十到尾就M字額好明顯。我諗我都走唔甩，係遺傳嗰隻。。。
其實都試過吓啲防脫洗頭水，又用咗啲咩生薑洗頭水，但好似都冇咩用，頭髮都係咁甩。見到垃圾桶同枕頭上面啲頭髮，真係好唔開心，成日覺得自己老咗十年咁。
唔知有冇同路人可以分享吓經驗？或者有冇咩實際啲嘅解決方法？我聽人講過咩食藥、搽藥水，甚至植髮，但完全冇概念，唔知邊樣先適合我呢啲後生仔。有冇邊位brother or sister可以指點迷津？感激不盡
-
唔好提頭髮！我每次洗完澡見到個去水位塞住晒啲頭髮，真係想喊出嚟
-
如果未決定用咩方法醫，可以考慮下買樽 Toppik（增髮纖維粉）旁身~
平時出街噴兩噴，即刻見得人，至少心理上自信返先
-
建議你先去搵皮膚科醫生驗下血，睇吓係雄性禿定係其他營養問題。如果真係遺傳雄性禿，最有效嘅 combo 通常係 食藥+外用生髮水。但呢啲要持之以恆，停用就打回原形
-
一係學我老豆，剃光頭啦！而家好多人玩 Skinhead，仲要型過有頭髮
-
試吓我朋友介紹嗰間生髮中心啦
朋友做咗幾次激光真係密咗。有興趣PM我，唔想俾人話打手，但真心覺得有用
-
我三十歲果陣直接飛咗去台灣植髮，到而家四五年，啲頭髮仲係好密。不過你仲後生可以試下其他方法先
-
樓主，我明你！
我都係24歲開始M字額，阿爸又係地中海。食咗Finasteride年幾，前額冇生返晒但係總算停咗向後移，頂住先。不過呢啲藥要睇醫生先開得，唔好自己亂買
-
@寡人 我完全感受到你嘅痛苦！！
我每次洗完頭，見到啲頭髮纏晒喺個去水位，個心真係離一離。
要一齊加油拯救頭髮，希望大家都救得返！ -
@我愛羽維尼 Toppik我係YouTube見過人介紹
即刻上網search吓先。暫時未有解決方案之前，真係要搵啲嘢旁住個身見人，多謝師兄建議
-
@lulu豬 仲諗住自己出去買生髮水就搞得掂...
-
@心水清水健 第時真係冇辦法的確可能會考慮剃光
不過而家得廿幾歲，想俾多次機會自己，試吓救唔救得返先~ -
@Matchalattle PM咗了!!
-
你係咪成日夜晚唔瞓打機？食得多麥當勞？
唔好咁大壓力住啦，你愈驚甩頭髮，壓力愈大，頭髮就甩得愈快，Deadly Cycle 嚟㗎！ -
認命啦，遺傳嘢冇得避
你睇下英國個威廉王子，咁有錢都搞唔掂個頭髮。與其浪費錢買啲冇用嘅洗頭水，不如儲起筆錢第時植髮好過。 -
@此使用者名已被使用 呢個example真係冇得輸
不過市面上好多都話可以改善雄禿~希望樓主唔好咁快認命住，盡咗力先！ -
@說謊蛋糕 !!!我真係成日挨夜打機同食炸雞著... 壓力又大。睇嚟都要的起心肝早啲瞓，戒口先得
-
@此使用者名已被使用 威廉王子之前都剃晒頭頂啲頭髮啦！個人有自信就得
-
@深水埗古天樂 剃光又真係一個出路嚟嘅，好過唔湯唔水~
不過唔係個個面形同頭形都適合，樓主可以考慮下先
-
@深水埗古天樂 威廉王子個Case真係好經典，不過人地有王妃同地位就夠啦，頭髮算咩呀
