【美容院避坑指南】做咗5年，教你幾招一眼睇穿邊間係良心店/ hardsell 店
-
行內打工咁多年，見過太多客喺出面被Hardsell到驚晒，甚至做完假機爛面。想去美容院放鬆下又怕中伏？分享幾招比大家~
-
官方Channel有冇公開嘅價錢表？
唔好睇佢宣傳片寫「試做價幾多」，直接睇佢 FB/IG 或官網有冇貼出原價。如果全個Page零價錢，全部要求「DM 查詢」，通常代表價格唔透明，落到門市隨時因人而異開價。 -
Whatsapp 試探法：問多一步
查詢時，試下問：「如果做完試做覺得啱，之後單次收費或者加購 Package 大約咩價位？」
良心店： 會直接提供價錢表或清晰講出大概範圍。
黑店/Hardsell 店： 永遠覆「要視乎你皮膚狀況，落到嚟由治療師評估先知」。-
官網/招聘網睇「職位分配」
簡單去JobsDB或求職網Search下間公司。如果見到佢哋高薪徵求「Sales / 美容顧問 / 銷售專員」，但美容師反而請得少，代表呢間店嘅核心係靠Selling賺錢；相反，只請「美容師 / 治療師」嘅店，通常落手做嘅時間多過聽佢Sell嘢。 -
認清儀器「全名」同「正貨認證」（唔好聽俗名）
唔好聽美容院講「做皮秒/打無針埋線」呢啲統稱。一定要問清楚係邊個品牌＋型號。敢放儀器全貌圖、證書、正貨標籤出嚟嘅先好信。最基本要有FDA/KFDA/CE呢啲認證 -
魔鬼在細節：Package 有冇「過期」同「轉讓」條款？
就算打算買Package，預先問一句：「如果買咗，療程有冇限期？做唔晒可唔可以轉畀朋友/退款？」良心店條款會好清晰；黑店會喺合約細字寫明「半年內要用完」或者「任何情況不設退換」，等你自己過期清零。 -
善用 Google「店名 + 伏 / 連登 / 黑店」
去之前，喺 Google 打「店名 + 伏 / hardsell / 連登 / 苦主」。如果連登或討論區有 post 討論過，甚至成立咗苦主群組，咁就千祈唔好走去博。 -
門市動線同環境暗號
留意一入去嘅環境。如果未做療程就「逼你放低隨身物品/電話喺 Locker」，或者一入門口就被帶去暗黑密室，戒心就要拉到最高。
大家平時去 Facial 仲有咩指標可以分享下？一齊交流下避開黑店！
-
-
第 4 點真係超啱！上次我去某間店做 Pico，佢哋完全答唔出係咩機，打完同冇打一樣，後尾先知原來係淘寶鬼機……大家真係要小心！
-
之前買咗 10 次 Package，中途有事停咗半年，再想去嘅時間竟然話我已過期清零，幾千蚊就咁落大海
-
補充一點!!
上到去如果佢要你留低信用卡，或者話幫你hold住張卡睇下有冇優惠，千萬唔好畀！一畀咗就極難拎返。 -
講真，而家只會去敢做單次收費嘅美容院，唔使預繳一大筆錢，做得好我自然會再嚟，做唔好拍拍屁股就走，主導權喺自己度~
-
寫得超詳細！真心怕咗嗰啲入到房被幾個Sales圍住Sell嘅美容院，平時行過都想避開……想問樓主或者大家，香港到底仲有咩邊幾間係真正做到單次收費、無顧問房嘅良心店？求私訊或者推介🥺
-
好實用嘅post
近排想打 Pico 清下雀斑，但又好驚去到啲小店遇到淘寶鬼機爛面。想問下大家有冇用緊原廠正貨機、價錢又透明嘅美容院可以參考下？ -
@貓貓愛天下 你係邊區咖
我平時係元朗有間細細美容院做開~
佢得兩個人，真係單次收費，0sell~ -
@答案就係李斯 完全講中！所以我而家去美容院前，第一時間上官網睇佢有冇公開價錢表。
之前被網上宣傳吸引去過Bora Beauty，佢哋係原廠機、有單次收費、官網價錢一目了然。重點係去到真係冇顧問房，做完直接走得，唔使打心理戰！
做咗大半年真心覺得佢哋團隊好穩定，算係我近年做過最舒服嘅美容院。 -
認同招聘網睇請乜人呢點
成日去美容院最煩就係每次去都換美容師，手勢又唔同，仲要重新 Sell過你 煩... -
原理個個都知，但香港有幾多間真係做到？就算標榜正貨嘅咪一樣照 Sell，最重要係自己識得拒絕~
