有冇人試過抽脂？想知效果係咪真係咁勁！
-
前排去開樓下嗰間小食店買嘢食，見到老闆娘成個人細咗成個碼！
本身佢真係好大份，雖然依加唔係可以用好fit好瘦好形容佢，大概係係一般師奶身形，但真係同以前唔同咗好多
忍唔住八卦問佢點解會瘦咗咁多，原來係返咗大陸抽脂
聽到我即刻心郁郁！
事關我自己其實都試咗好多方法，特別係大髀內側嗰嚿肉，做乜運動都好似冇反應咁。跑步又跑過，GYM又做過，連網上啲乜鬼「減大腿內側5分鐘操」都跟足想問下各位巴打絲打，有冇人試過抽脂？或者有冇人計劃緊去做？究竟過程痛唔痛？復原期要幾耐？做完之後有冇反彈？最想知係咪真係會瘦得靚，唔會有凹凹凸凸？
-
大脾內側嗰度真係世界級難減！我做極運動都仲係有舊肉頂住，搞到行路磨住磨住，好唔舒服
如果有好介紹我都想知 -
@咁大件事冇人講 就係嗰舊肉！磨住磨住真係好煩，着短褲又唔好睇，搞到成日都要着長褲遮住
-
我反而想問，做完抽脂係咪真係唔會肥返？如果之後暴飲暴食，其他位會唔會照樣肥先？
-
我friend早排抽完，最尾搞到皮膚唔平滑，最後要用自體脂肪移植填返平。
你都係要搵個好醫生，唔好貪平啊！ -
其實抽脂唔係減肥，係身形雕塑~
-
睇你講到老闆娘咁勁，搞到我都心郁郁想試，但係荷包冇錢，都係繼續做運動算數
-
@lulu豬 呢個真係我最擔心嘅事，抽完仲衰過未抽就大鑊。所以真係要做足功課，搵個信得過嘅醫生先得。你朋友依加搞返掂未呀
-
@chloe_ky 我都係想修線條多過純粹減重!!
-
其實我又覺得唔使急住做喎，你可以試吓做啲溶脂療程先，雖然效果慢啲，但起碼唔係入侵性冇咁大風險
-
有冇諗過可能係因為佢鋪頭太忙，做到瘦咋？
-
-
@心水清水健 呢個問題我都好想知！有冇其他有經驗嘅人可以解答吓？
-
@說謊蛋糕 哈哈，我都明錢呢一方面真係其中一個因素！所以而家都仲係觀望階段，睇定啲先。
-
如果你決定做，記得預鬆啲時間休息！
我上次抽完大脾，頭三日連行路都好似隻鴨仔咁，好論盡
-
@多肥西公園 我有朋友上年做完大脾內側抽脂，話頭一個月痛到阿媽都唔認得，著塑身褲著到想喊
，但依家見佢條腿真係幼咗好多 -
@我愛羽維尼 溶脂同抽脂有咩分別?
-
@愛用紙巾的人 聽到話頭一個月好痛，有啲卻步...
-
@我愛羽維尼 我冷凍溶脂做大脾內側，做咗兩次，真係冇咩分別。不過呢啲真係因人而異，有朋友做手臂就好work。你可以上網搵多啲review睇下先！
-
@曲街 我朋友後尾去咗另一間診所做修復!依加都叫見得下人
