好唔甘心同7年男朋友分手，同左呢個男仔一齊
-
我同男朋友係中六既時候認識，眨下眼由讀書到出黎做野，大家已經一齊左7年。
7年咁耐，已經由愛情變成感情，所有野都好似變左例行公事咁。
佢放工返到屋企成日都話覺得好大壓力，而佢減壓既方式就係打機同打波；
每次我同佢講野，佢就一路打機一路用個鼻黎應機，結果我就上交友apps識朋友傾下計。係apps 裡面我識左一個男仔，大家好投契，仲出黎食過幾次飯，一開始我都有同我男朋友講，但佢既「應機」方式令我到後期已經無再同佢講。
結果係一次我同個男仔食完飯之後，飲大兩杯，我係個男仔面前喊得好犀利，個男仔錫左我一啖，個刻我覺得自己好似有少少鐘意左呢個男仔。
好快，我就同我男朋友分左手，同左呢個男仔一齊。
同呢個男仔一齊左一個月，我就發現有好多野其實大家都好唔夾，同時我亦月來月掛住我前男友。好快我同呢個男仔都分開左，我想搵返我前男友，但佢係朋友度知道我同佢一齊既時候已經同呢個男仔一齊，我求過佢幾次。
同佢講過我同呢個男仔咩都無做過，佢都唔肯信我，接受反我。 兩個月前，我知道佢有個新女朋友。我知我仆街，我偷偷跟過佢地幾次，見到佢地既互動，令我更掛住當日既我同佢。
上星期六我係圖書館俾佢發現左我，當時佢女朋友挨住佢睇緊書，佢見到我之後推開左佢女朋友，之後大家好尷尬咁打左個招呼我就走左啦。我知我自己衰女先，但我真係好鐘意我男朋友。其實我覺得自己同佢7年既感情一定比佢同依家個女朋友深，佢見到我之後推開左佢女朋友，係咪即係佢心裡面一樣都仲有我？
我應該點做先可以同返佢一齊？
希望大家鬧還鬧，鬧完之後可以俾啲意見我。多謝你地既時間。 -
@abby 咩APP?我都想識下朋友/男朋友
-
@fion Tinder lol~有無睇nextfilx呀 siomon扮以色列鑽石王老五個仔呀 溝死世界各地嘅女 仲呃左好多錢
-
@食人花 在 好唔甘心同7年男朋友分手，同左呢個男仔一齊 中說：
@fion Tinder lol~有無睇nextfilx呀 siomon扮以色列鑽石王老五個仔呀 溝死世界各地嘅女 仲呃左好多錢
simon leviev 先岩
-
@食人花 我有睇.. 真人上節目
-
@abby 一咩齊丫 世界咁美好
