最近睇左造美人...震撼了我的心靈
-
靚個啲就覺得自己醜；醜個啲就覺得自己幾ok
呢個節目真係好有趣，睇到社會上好多真實人性嘅人面
第１個入圍果個Kathy好似擺明踩哂埸咁，自己已經Keep得咁好仲要黎改造，覺得佢想威多過真心扮靚....
有個ann都係，話自己啲五官歪，覺得自己醜，但事實又唔係真係咁，好多人都覺得佢靚，但唔明點解係咁話自己醜，咁叫真正醜個啲人顏面何存呢...?
OK姐就最爆，好似啲C9仔咁見到有免費扮靚就埋黎玩下先，但又唔係真心想扮靚，仲覺得自己本身都幾OK個下先爆，講野又串串貢，好似一味期望節目做為佢付出多過佢自己為個節目付出咁，不過見佢屋企咁大都應該係小康之家出生，比人寵慣梳乎慣個種人，所以頂唔順想放棄都好理所當然
果個芷橋就最那煩，集集都係度cry cry cry，30歲人啲情緒管理都咁差...其實佢本身樣都唔係好差，只係肥，但性格西就比人印象更差...唔覺意見到佢係連登比舊同學攻擊，可見佢本身性格真係唔太好，果然可憐人必有可恨之處！
不過呢個節目入面都有啲我幾欣賞嘅參賽者，例如Semi，Tracy都好陽光正面，有個人妻媽媽都幾好睇，目前睇左3集only，好期待呢班女仔嘅改變！！利申：睇完啲現埸醫美技術變靚埸面，真係好想試，但我諗Per Face都應該幾貴....我見AB打雀斑都勁想打!!!!! 想市面上搵唔hard sell,合理收費,同埋有效果嘅美容院，最好黃，有推薦嗎？
-
@寶寶bo 事實證明只有懶女人,沒有醜女人 (性格好會更+分)
